Владата го објави повикот за избор на нов универзален снабдувач. Она што е веќе познато на повикот повторно ќе се јави ЕВН Хоум, ЕСМ продажба но интерес да се јават има и кај познатиот трговец со струја ЕДС.

До 12 јануари треба да се достават понудите, а новиот универзален функцијата ќе ја преземе во јуни.

Покрај сите услови овој пат сите кои ќе се пријават на повикот треба да имаат и поголем работен капитал од 40 милиони евра. Кој ќе биде новиот снабдувач дали тоа ќе биде повторно ЕВН Хоум или пак друг ќе зависи од тоа кој ќе понуди најниска маржа.

Министерот Бектеши неодама рече дека очекува таа да биде пониска од сегашната која е 11%.