Силен земјотрес во текот на ноќта на планинскиот регион во северозападна Кина. Во овој најсмртоносен земјотрес во последните девет години загинаа најмалку 127 луѓе, уништувајќи домови и оставајќи ги жителите надвор во зимската ноќ.

Земјотресот со јачина од 6,2 степени според Рихтеровата скала се случи во понеделникот нешто пред полноќ, при што беа повредени повеќе од 700 луѓе, оштетени се патиштата, а во прекин се електричните и комуникациските линии во провинциите Гансу и Кингхаи.

Додека спасувачите ги бараат исчезнатите во урнати згради и најмалку едно лизгање на земјиштето, луѓето кои ги загубија своите домови се подготвуваат да поминат уште една студена зимска ноќ во шаторите набрзина подигнати на местата за евакуација.

Последниот земјотрес се случи во округот Џишишан во Гансу, на околу 5 километри од границата на провинцијата со Кингхаи. Епицентарот на земјотресот бил на околу 1.300 километри југозападно од Пекинг, главниот град на Кина.

Американскиот геолошки институт ја измери јачината на 5,9 степени по Рихтер.