Лос Анџелес лејкерс откако го освоија НБА-купот, никако да се стабилизираат во лигата и сега имаат скор од 1-5 по триумфот во Лас Вегас. Утринава Лејкерс без Леброн Џејмс во составот загубија во Минесота со 118-111 за четврти пораз во низа.

Карл Ентони Таунс имаше 21 поен за Тимбервулфс, кои сега го делат најдобариот ефект во НБА заедно со Бостон со скор од 21-6. Кај гостите од Лос Анџелес најефикасен беше Ентони Дејвис со 31 поен.

Детроит загуби од Јута со 111-119 и го запиша 25-тиот пораз во низа сезонава. Пистонс сега се на само еден пораз до негативниот рекорд во НБА од 26 загубени натпревари по ред, што го држат Кливленд и Филаделфија.

Во дербито на Западната конференција, Оклахома ја прекина победничката низа на Лос Анџелес клиперс од девет натпревари по ред со победата од 134-115. Јанис Адетокумпо со 37 поени го водеше Милвоки до победа од 118-114 против Орландо.

НА ОСТАНАТИТЕ НАТПРЕВАРИ:
Кливленд – Њу Орлеанс 104-123
Чикаго – Сан Антонио 114-95
Мемфис – Индијана 116-103
Портланд – Вашингтон 117-118