Во 11 часот студентите во Белград го блокираа Министерството за државна администрација и локална самоуправа. Ним им се придружија и студенти од Нови Сад, јавија белградските медиуми.

Како што најавија претходно студентите, доколку не добијат потврден одговор од Министерството за државна управа и локална самоуправа на нивното барање за отворање и ревидирање на избирачкиот список, продолжија со блокада на уште две места во Белград.

Студентите од почетокот на минатата недела секоја вечер од 18 часот учествуваа на протести пред зградата на Републичката изборна комисија. Тие ја поддржаа коалицијата „Србија против насилството“, која повика на тие протести за да се исполни нивното барање за поништување на изборите поради нерегуларности.

Студентите бараат и поконкретни чекори од опозицијата, кои самите ги најавија на еден од протестите.

Претходно, група од 345 наставници и соработници на Универзитетот во Белград испратија поддршка за студентските протести.

Кој краде избори, ја краде иднината. Фалсификување избирачки списоци, пријавување нелегални живеалишта и изборен инженеринг се скандалозен обид на властите уште еднаш да ни ја одземат државата, но овој пат многу повеќе – нашиот здрав разум и последните остатоци од самопочитување, се наведува во соопштението упатено до медиумите.