Вишото јавно обвинителство во Србија соопшти објави дека „седум лица се изјасниле за виновни“ за нередите пред собранието во Белград на 24 декември, кога опозициската листа Србија против насилството се обиде насилно да влезе во собраниската зграда.

Обвинителството предложило притвор за 11 осомничени, а за седуммина кои ја признале вината ќе биде предложено судот да изрече условни затворски казни и парични казни.

Протестите поради изборните нерегуларности во главниот град и натаму траат, исто како и штрајкот со глад на двајца пратеници, а на улица излегуваат и студентите.

Домашните и меѓународните набљудувачи пријавија „нерегуларности“ во текот на изборниот процес, како што се купување гласови и носење гласачи од надвор да гласаат на локалните избори.

За денеска во 18 часот се закажани нови протести пред Републичката Изборна Комисија.