Апелациониот суд во Белград го потврди обвинението против таткото и мајката на Коста К. кој на 3 мај годинава уби девет ученици и чуварот во училиштето „Владислав Рибникар“ во Белград.

Владимир Кецмановиќ се товари за тешко кривично дело против општата безбедност, додека неговата мајка Милијана Кецмановиќ се товари за недозволено изработување, држење и носење оружје и експлозивни материјали.

Покрај таткото и мајката на Коста К., обвинети се и сопственикот на стрелачкиот клуб “Партизан практикал шутинг“ во кој момчето учело да пука и инструкторот во тој клуб.