Кливленд и со ослабен ростер без првата ѕвезда Донован Мичел успеа да слави на гостувањето кај Далас со 110-113.

Кавалирс имаа негатива од 20 поени, но во последниот период направија пресврт за победа. Лука Дончиќ имаше 39 поени за Маверикс, а кај гостите Карис Леверт имаше 29 поени, додека Џеред Ален запиша 24 поени и 23 скока.

Јанис Адетокумпо со 32 поени и 10 скока го водеше Милвоки до триумф од 144-122 на гостувањето кај Бруклин. Оклахома со 129-120 беше подобра од Њујорк, Феникс славеше на гости кај Хјустон со 129-113, а гостински победи остварија и Филаделфија во Орландо и Торонто кај Вашингтон.