Најдобрата македонска тенисерка Лина Ѓорческа ја дозна својата ривалка во рамки на првото квалификациско коло на Австралија опен. Мечот е закажан за вторник рано наутро.

Противничка на Ѓорческа ќе биде полската тенисерка Катарзина Кава. Таа се наоѓа на 197.место на ВТА ранг-листата и има 31 година. Македонката моментално се наоѓа на 212.место, но зад себе имаше одлична 2023 година. Токму резултатите од изминатата сезона и овозможија настап во квалификациите за Австралија опен.

Нејзината цел во 2024 година ќе биде да настапи на сите четири грен слем турнири. Ѓорческа беше најблизу да настапи во главната ждрепка на Австралија опен во 2017 година, кога стигна до третото квалификациско коло и загуби во три сета на последната пречка. Истата година играше и во квалифиакциите за Ролан Гарос и Вимблдон, каде испаѓаше во првата рунда, а на Ју-Ес Опен во 2018 година стигна до второто квалификациско коло.

Дуелот помеѓу Ѓорческа и Кава во рамки на првата рунда е закажан за во вторник рано наутро.