Агенцијата за поморски трговски операции „Амбри“ на Обединетото Кралство објави за нов инцидент во Црвеното Море. Како што се наведува во соопштението, погоден е уште еден брод со проектил кој е истрелан од Аден, главниот град на Јемен.

„Екипажите на бродовите се советувани да минуваат внимателно низ Црвеното Море и да пријавуваат секаква сомнителна активност“, соопшти „Амбри“ на платформата Икс.

Бродот, според „Амбри“, бил грчки кој пловел под знамето на Малта. Најновиот инцидент се случил на 185 километри северозападно од Салеф.

Јеменските Хути предупредија дека ќе го гаѓаат секој брод кој минува покрај нивната територија, доколку екипажот не се огласи при минувањето и да потврди дека нема врски со Израел.