Репрезентацијата на Словенија го освои златниот медал во тимското натпреварување на Светското првенство во ски летови што се одржа овој викенд во Австрија на легендарната скокалница Кулм.

Словенечкиот тим во состав Ловро Кос, Петер Превц, Домен Превц и Тими Зајц финишираше на првото место со 1.615,4 бодови. Второто место и припадна на селекцијата Австрија,која освои 26,5 бодови помалку, а беше составена од Михаел Хајбек, Мануел Фетнер, Јан Херл и вчерашниот победник во индивидуална конкуренција Штефан Крафт. Бронзата оди во рацете на Германците, кои имаа 65,5 бодови помалку во однос на победничката селекција.

Следниот викенд продолжува Светскиот куп во ски скокови, а натпреварот е во германски Вилинген.