Силниот дожд во изминатите денови во градот Газа ги направи уште поочајни условите на раселените лица кои се засолнуваат во импровизирани кампови. Дел од нив се собираат крај запалените огнови за да се загреат и да останат суви, додека други собираат дождовница  во големи буриња за да обезбедат вода за пиење.

Војната меѓу Израел и Хамас срамни со земја огромни делови од малата крајбрежна енклава, раселени се 85 отсто од нејзиното население, а една четвртина од жителите ги турна во глад. Според статистиката на Министерството за здравство на територијата на Хамас, во израелската офанзива загинаа повеќе од 26.700 луѓе. Во пребројувањето не се прави разлика меѓу борци и цивили, но се вели дека околу две третини од загинатите се жени и малолетници.