Мејсон Гринвуд по проблемите што ги имаше на приватен план откако беше обвинет за силување од поранешната девојка, сега ја воскреснува својата кариера во Хетафе.

Младиот Англичанец покажа дел од својот раскошен талент во малиот шпански клуб и веднаш го привлече вниманието на Атлетико Мадрид. Тренерот Диего Симеоне е подготвен да го доведе во своите редови во летниот преоден рок, пишува „Телеграф“.

Манчестер јунајтед без проблем ќе го продаде крилниот напаѓач и тоа за 25 милиони евра. Гринвуд нема иднина на „Олд Трафорд“ па затоа и беше испратен на позајмица во Хетафе.