Вооружен напаѓач, кој утрово пукаше во вработени во бродска компанија во Атина, уби три лица по што извршил самоубиство. Меѓу убиените е и сопственикот на компанијата. Грчката полиција соопшти дека осомничениот бил поранешен незадоволен работник, јави „Дојче веле“.

Грчките медиуми објавија дека 70-годишниот напаѓач убил двајца мажи и жена пред да се самоубие.

Итната помош стигнала на лице место, во филијалата на Европската навигациска компанија. По инцидентот, како што пренесе „Ројтерс“, во објектот влегле антитерористички единици.

Осомничениот е пронајден мртов покрај пушката за која се верува дека била користена во нападот, објави „Катимерини“.