Олимпик Марсеј денеска му врачи отказ на тренерот Џенаро Гатузо поради серијата лоши резултати на тимот. Италијанецот седна на клупата на стадионот „Велодром“ во септември минатата година, но очигледно неговата работа не функционираше.

Марсеј изминатиов викенд загуби од Брест, падна на 9.место на табелата во Лига 1 и нема победа уште од 17 декември. На последните шест натпревари има освоено вкупно четири бодови, испадна од Рен во Купот на Франција, а на првиот натпревар од елиминациите во Лигата на Европа, ремизираше 2-2 со Шахтер Доњецк.

Гатузо претходно доби отказ и од Валенсија, Наполи и Милан. Нов тренер на Марсеј најверојатно ќе биде 70-годишниот Жан-Луи Гасет.