Во Богота, Колумбија  се отвори Директорат за сексуални работнички кој ќе има за цел да  креира, усвојува и да ги гарантира нивните права, се наведува во соопштението на колумбиското Министерство за еднаквост, под кое спаѓа Директоратот. Со ова тело ќе раководи трансродовата феминистка и активистка за човекови права Шарлот Каљехас.

Во изјавата за медиумите Каљехас истакна: ,,Jа потврдувам мојата намера да изградам мостови на соработка, кои ќе ме поврзат со другите административни сектори за жени, кои се жртви на трговија со луѓе и сексуална експлоатација.”

Активистката Каљехас има над 25 години искуство во застапување на правата на сексуалните малцинства, во јавниот и во приватниот сектор. Таа има работено во Министерството за внатрешни работи и во Одделот за социјален просперитет.

Ако се вратиме во минатото, во Колумбија, проституцијата е легализирана уште во1970 година. Активноста е регулирана и ограничена во бордели кои се специјално одредени според „Зони на толеранција“, како што е населбата Санта Фе во Богота, каде што таквите активности се дозволени. Во исто време, сексуалната експлоатација и трговијата со луѓе е забранета, како и експлоатацијата на малолетници.