Ралф Рангник ќе остане на селекторската клупа на Австрија и нема да ја прифати понудата од Баерн Минхен. Германецот изјави дека останува целосно фокусиран на репрезентацијата и по завршувањето на Европското првенство.

„Јас сум австриски селектор со целото мое срце. Ова не е одбивање на Баерн Минхен туку само одлука за мојот тим и нашите заеднички цели“, изјави Рангник.

Баерн по завршувањето на оваа сезона ќе се раздели со Томас Тухел, одлука што беше донесена уште пред речиси два месеци. Интересно Рангник е третиот тренер што го одбива баварскиот гигант по Чаби Алонсо и Јулијан Нагелсман.