Американскиот секретар за одбрана Лојд Остин изјави дека нема индиции дека Хамас планира каков било напад врз американските војници во Појасот Газа, но изјави дека се воведени соодветни мерки за безбедноста на американскиот воен персонал.

На брифингот со новинарите Остин рече дека Појасот Газа е борбена зона и дека може да се случат напади, но дека во моментов не гледа никакви индиции дека Хамас планира напад врз американските војници.

Портпаролот за национална безбедност на Белата куќа, Џон Кирби вчера изјави дека и покрај лошите временски услови, привременото пристаниште изградено од американската војска на медитеранскиот брег на Појасот Газа ќе биде отворено во наредните денови за да се забрза испораката на хуманитарна помош.