Осомничениот за убиството на 14 годишната Вања Ѓорчевска и пензионерот Панче Жежовски, Љупчо Палевски Палчо, кој беше уапсен во Баликесир Турција, во обид да избега, од притворот е превезен со авион од Турција.

Палевски слета и беше директно спроведен во Истражниот затвор Шутка, каде ќе биде сместен во посебна ќелија. Тој нема да има конктакт со останатите затвореници, оброците ќе ги јаде посебно од нив, а прошетките исто така ќе ги прави посебно од другите затвореници.

Во Истражниот затвор Шутка се и другите тројца осомничени помагачи во двојното убиство, Велибор Манев, Влатко Кешишов и Боре Видевски.