Пет израелски војници се убиени, а седум се повредени во инцидент во Џабалија, на северот на Појасот Газа, потврдија израелските одбранбени сили (ИДФ).

Како што се наведува во соопштението, војници во тенк истрелале два проектила врз зграда во Џабалија во која се наоѓале и израелск падобранци.

Иако тие ја известиле бригадата дека се наоѓаат во зградата, тенковската единица забележала цевка од огнено оружје на еден од прозорците, па војниците помислиле дека станува збор за припадници на Хамас.

Тенковските сили пристигнале во подрачјето вчераутро, падобранските неколку часа подоцна зазеле позиции во зградата.