Во вториот натпревар од квалификациите за Европското првенство што се одржуваат во Скопје, селекцијата на Турција без поголеми проблеми со 3:0 ја совлада репрезентацијата на Босна и Херцеговина.

Во меч кој траеше 61 минута, фаворитот за освојување на првото место во групата триумфираше на Босна и Херцеговина со 25:15, 25:17 и 25:18.

Утре во рамките на третото коло селекцијата на Македонија се среќава токму со Турција, а почетокот на мечот е закажан за 18 часот и ќе се игра во А1 арената Борис Трајковски.

ФОТО: Игор Паневски