Кина објави крај на големите воени вежби, кои ги спроведува од четвртокот околу Тајван.Со тие вежби Кина сакаше да покаже дека се противи, според нејзината проценка, на сепаратистичките изјави на новиот тајвански претседател Лаи Чинг-те.

Кинеската војска „успешно ги заврши“ вежбите „Заеднички меч 2024А“ насочени кон Тајван, објави кинеската државна телевизија CCTV-7, која известува за воените работи.

Војската во четвртокот објави дека започнала дводневни маневри.

Тие беа наменети да симулира блокада на Тајван и вклучија копнени, поморски и воздушни сили, како и единици одговорни за стратешки ракети.

Вежбите главно се изведуваа во Тајванскиот теснец.