На Европското првенство во атлетика Дарио Ивановски настапи во полумаратонската трка која jа заврши со нов македонски рекорд.

Тој на целта пристигна со време од 1 час 4 минути и 1 секунда што е за 44 секунди подобро постигнување од досегашното, а во италијанската престолнина тоа беше доволно за одличното 29 место во конкуренција на 57 натпреварувачи кои пристигнаа на целта на Олимпискиот стадион.

Следниот предизвик за македонскиот репрезентативец ќе биде учеството на олимпискиот маратон во Париз каде исто така посакуваме да постигне најдобар резултат и уште да го потврди големиот квалитет.

ФОТО: Игор Паневски