Законските измени со кој се предвидува укинување на економските директори на Клиниките денеска ќе биде точка на дневен ред на седницата на Владата. Измените доаѓаат откако минатата недела, по преземање на функцијата во здравство, министерот Таравари ја почна „чистката“ на директори, чиј мандат истекува до крајот на месецот, за останатите потребни се законски измени.

Надлежните очекуваат да се стави крај на, како што велат, дуализмот и да се рационализира трошењето на средствата.

Таравари најави ревизија на работата на сите клиники и нови смени на директорските позиции, но вели доколку утврдат дека некој директор добро си ја вршел работата ќе остане на функцијата.

Фокус на министерството во следната година останува спојување на Клинички, болниците и здравствените домови во општа болница во секој град и дигитализација на здравството.