Џошуа Зиркце од денеска и официјално е нов фудбалер на Манчестер јунајтед откако го комплетираше трансферот од Болоња.

Холандскиот напаѓач потпиша петгодишен договор со „црвените ѓаволи“ со можност истиот да биде продолжен на уште една сезона. Болоња ќе инкасира обештетување од 42 милиони евра, но дел од парите ќе одат и на сметката на неговиот поренешен клуб Баерн Минхен.

Лани Зиркце постигна 12 голови на 37 натпревари во Серија А и беше еден од најважните играчи во историската сезона на Болоња со пласманот во Лигата на шампиони и освојувањето на 5.место.

Холанѓанецот и официјално е првото летно засилување за Јунајтед, но и првиот играч кој пристигнува во клубот откако ИНЕОС групацијата го презема раководењето со трансфер-политиката на „Олд Трафорд“.