РЕК Битола стави во функција два блока и испорачува електрична енергија во македонскиот електроенергетски систем.  Денес, во 11:45 часот, во функција е ставен Блок 1. Претходно, за време на викендов на мрежа беше и Блок 3.

Блок 1 на РЕК Битола беше надвор од функција од петокот заради испадот на 110 киловолтната собирница на МЕПСО.  Заради прекинот во напојувањето, одложени беа и операциите за пуштање во финкција на Блок 3. Високите температури пак кои деновиве надминуваат 40 степени за 25 отсто ја зголемија потрошувачката на струја поради што потребните количини се надоместуваа со набавки и од хидроцентралите.

Од РЕК Битола инофрмираат и дека ремонтините активности на Блок 2  продолжуваат согласно предвидената динамика.

Ова не е прв пат да се случи ваков проблем. И во текот на зимата  кога температурите  беа длабоко под минусот РЕК Битола работеше со само еден блок. Тогаш од ЕСМ и Мепсо се препукуваа во чија сопственост е проблематичниот далновод поради кои настана проблемот.