Повеќе од 12 часа делови од Скопје се без струја по вчерашното невреме проследено со дожд, силен ветер и град.

Од ЕВН контакт центарот информираат дека нивни екипи се на терен и работат на отстранување на дефектот.

Според информациите објавени синоќа причина за прекинот во снабдувањето со електрична енергија се два 110-киловолтни далекуводи кои ги снабдуваат трафостаниците „Аеродром“ и „Исток“.

Од Електродистрибуција пак утрово информираа дека активностите на терен привршуваат и дека се очекува за половина час струјата да биде вратена до домовите на крајните корисници.