Украинскиот претседател Володимир Зеленски изјави дека ситуацијата на фронтот во регионот на Доњецк е „исклучително предизвикувачка“ за украинските војници.

Во видео-обраќање, рече дека секој што се борел против „интензивните“ руски напади во регионот „врши една од најважните мисии во оваа војна“.

– Исклучително е предизвикувачки во правците на Доњецк, а токму во насоката Покровск имаше најголем број руски напади овие недели – најинтензивните непријателски напади се токму таму. Секој кој дава се од себе да ги запре овие руски напади и го уништува овој руски офанзивен потенцијал, извршува една од најважните мисии во оваа војна, порача украинскиот претседател.

Тој, исто така, ги пофали перформансите на единицата одговорна за нападите со беспилотни летала со долг дострел на руска територија.