Украина ги доби првите борбени авиони Ф-16 кои со месеци ги бараше, со цел да може да возврати на руските ракетни удари, потврди неименуван американски претставник.

Засега е непознато колку авиони се испорачани во првата транша, како ниту кои земји ги отстапиле, пренесува АП.

Украинската влада сè уште не потврдила дека примила ловци Ф-16.

Украина со месеци ги бараше тие авиони од западните партнери, истакнувајќи дека се од клучно значење во борбата против руските ракетни удари, бидејќи Ф-16 се специјализирани за неутрализирање на непријателска противвоздушна одбрана.

Западот се двоумеше за испорака на ловците по првичната загриженост дека вооружувањето на Украина со модерно опрема би можело дополнително да ја прошири војната со Русија, наведува АП.

За време на посетата на Вашингтон, поради учество на НАТО самитот, украинскиот претседател ги повика сојузниците да ги тргнат сите ограничувања во врска со користењето на западното оружје, конректно барајќи Киев да може да гаѓа руски цели со него.

На Украина и се потребни најмалку 130 ловци од типот Ф-16 за да може да ја неутрализира руската ПВО, наведуваат украински официјални лица.