Србија потпиша договор со Франција за купување на 12 нови борбени авиони „Рафал“ со вкупна вредност од 2,7 милијарди долари. Девет од нив ќе бидат едноседи, а три двоседи. Франција се обврза да го испорача првиот „Рафал“ во 2028 година, а останатите две години подоцна.

Договорот за набавка на авиони е само еден од вкупно 12-те билатерални што беа потпишани за време на посетата на францускиот претседател на Србија.  Останатите се во областите земјоделство, екологија, градежништво, рударство, нуклеарна програма, здравство, наука и технолошки развој, туризам, телекомуникации.