Системите е-ПДД , е-Даночни услуги и МојДДВ функционираат нормално, информира Управата за јавни приходи (УЈП).

„Активностите околу надградба на системите е-ПДД и е-Даночни услуги што ги започнавме вчера по 16:30 часот, успешно се завршени и даночните обврзници може да продолжат со користење на услугите преку овие системи“, се вели во соопштението на УЈП.

Управата за јавни приходи во вторникот најави дека ќе спроведува активности за надградба на системите е-ПДД и е-Даночни услуги.

„Поради извршување на овие активности, почнувајќи од 29.08.2024 година (четврток) од 16:30 часот, системите е-ПДД и е-Даночни услуги нема да бидат во функција. Во овој период, можни се и прекини во работењето на апликацијата МојДДВ“, најавија од УЈП.