Луис Суарез објави дека се повлекува од уругвајската репрезентација. Напаѓачот во петок против Парагвај во рамки на квалификациите за Светското првенство во 2026 година ќе го одигра последниот натпревар во синиот дрес.

Суарез има 37 години, а дебитираше за националниот тим кога имаше само 19 години. Тој е најдобриот голгетер во историјата на Уругвај со 69 голови на 142 натпревари.

Моментално Суарез игра за Интер Мајами во МЛС-лигата, каде има 16 голови, а неговиот договор истекува по завршувањето на оваа сезона.