Ал Наср ќе го назначи Стефано Пиоли за нов тренер по отказот за Луис Кастро. Саудискиот клуб во кој игра Кристијано Роналдо слабо ја почна сезоната па затоа беше потребна промена на клупата.

Пиоли се очекува да потпише двегодишен договор со Ал Наср вреден 8 милиони евра по сезона плус бонуси.

Ова се добри вести и за Милан, кој иако го отпушти Пиоли по завршувањето на минатата сезона продолжи да му ја исплаќа платата до истекот на неговиот претходен договор. Со ангажманот во Ал Наср ќе заврши и договорот на Пиоли со „росонерите“, кои ќе заштедат 7,5 милиони евра.