Една од најинтересните претприемачки приказни во Русија се претвори во смртоносен кошмар.
Во средата, најмалку две лица загинаа, а седум беа повредени по пукање во седиштето на „Wildberries“ во Москва, најголемата руска компанија за онлајн продажба.
Татјана Бакалчук, милијардерот основач на „Wildberries“, малопродажен гигант вреден 5,9 милијарди долари, еквивалент на американскиот „Amazon“, го обвини својот сопруг и ко-основач Владислав Бакалчук за, како што вели, вооружената група мажи кои упаднале во седиштето на компанијата во обид да го запрат нејзиното понатамошно работење.
– Ова е непријателско преземање или, подобро кажано, неуспешен обид за преземање – напиша Бакалчук на Телеграм неколку часа по пукањето.
Таа додаде дека побарала од полицијата „да ја преземе контролата над ситуацијата“.
Меѓувреме, Владислав во својата објава на Телеграм изјави дека обезбедувањето во седиштето на „Wildberries“ пукало врз него и неговиот тим за обезбедување без причина и повредиле дел од луѓето во неговата придружба.
Тој тврди дека однапред го известил „Wildberries“ дека сака средба со раководството за деловни преговори.
Се чини дека овие трагични настани се најновата ескалација на повеќемесечната борба за иднината на бизнис гигантот што заедно ја водат сопружниците кои се во брак 20 години.
Татјана го напуштила Владислав во април, а потоа во јули објави дека поднела барање за развод.
Еден месец претходно, „Wildberries“ ги објави плановите за спојување со компанијата за надворешно рекламирање „Russ Outdoor“. Се верува дека бизнисот го водат браќата Роберт и Леван Мирзојан.
И додека Татјана го поддржа спојувањето на двете компании, Владислав јавно се спротивстави на тоа.
Тој ги здружи силите со чеченскиот лидер Рамзан Кадиров, близок сојузник на рускиот претседател Владимир Путин.
Владислав и Кадиров објавија видео во кое го обвинуваат „Russ Outdoor“ за преземање на „Wildberries“.
🚨⚠️⚡ Shooting Incident at Wildberries Moscow HQ
🗞️👉⚡A shooting took place at the Wildberries headquarters in Moscow, involving Vladislav Bakalchuk and his security, leading to one death and multiple injuries.
The incident occurred amidst a contentious merger and personal… pic.twitter.com/W6q1Pdc5tk
— Xnews_with_Grok (@Xnews_with_grok) September 18, 2024
