Македонскиот репрезентативен голман Столе Димитриевски повторно е интересен за Барселона. Каталонците бараат замена за повредениот Марк Андре тер Штеген, кој ќе отсуствува до крајот на сезоната поради тешка повреда.

Димитриевски летово се пресели од Рајо Валјекано во Валенсија, но на „Месталја“ моментално е втор голман, бидејќи Ѓорѓи Мамардашвили остана во клубот на позајмица иако потпиша за Ливерпул. Во минатото Барселона беше заинтересирана за Димитриевски за да му ја додели улогата на втор голман, па гигантот сега повторно се врти кон Македонецот откако остана без првата опција на голот, Тер Штеген.

Шпанските медиуми најавуваат дека Димитриевски во јануари би дошол во Барселоона на шестмесечна позајмица од Валенсија, но клубот разгледува уште неколку голмани. Барем засега голот на Каталонците ќе го брани резервистот Ињаки Пења, но во јанари клубот ќе се обиде да ангажира уште еден искусен голман, а Димитриевски останува една од најсериозните опции.