Како и на сите натпревари фудбалерите на Вардар повторно имаа огромна поддршка од трибините. Комитите му дадоа посебен шарм на дуелот кој некогаш беше големо дерби на македонскиот фудбал.

Навивачите на Вардар неколку пати направија навистина прекрасна атмосфера со кореографија и пиротехника, а во еден момент беше направен и мал огномет над западната трибина.

За жал на најверните навивачи на “црвено-црните”, фудбалерите на теренот повторно потфрлија на домашен терен и овој пат беа поразени од Силекс со 1:0.

Навивачите на Вардар уште еднаш покажаа дека во секоја ситуација им даваат максимална поддршка на фудбалерите и уште еднаш потврдија дека се вистинскиот дванаесетти играч.

ФОТО: Игор Паневски