Јапонскиот суд донесе пресуда со која 88-годишниот поранешен боксер не е виновен на повторното судење за четирикратно убиство извршено во 1966 година, со што е сменета претходната одлука со која тој беше осуден на смрт.

Ослободувањето на Ивао Хакамада од страна на Окружниот суд Шизуока го прави петтиот осуденик на смрт кој е прогласен за невин на повторното судење во повоената јапонско правосудство.

Случајот би можел повторно да ја разгори дебатата за укинување на смртната казна во Јапонија.

По двочасовното целосно образложение на пресудата што следеше по главната пресуда, неговата 91-годишна сестра Хидеко Хакамада излезе од судот со широка насмевка, пречекана со овации и два големи букети за да ја прослави ослободителната пресуда за нејзиниот брат по 58-годишна правна битка.

• „Сето ова е благодарение на вашата поддршка. Ви благодарам многу за сето ова време“, рече таа.

Адвокатот на Хакамада рече дека судијата претседавач на судот, Коши Куни, рекол дека судот признал повеќе фабрикувани докази и дека Хакамада не е виновникот.

Хакамада беше осуден за убиство на менаџер на компанија во 1966 година. Според предходната пресуда тој беше прогласен за виновен и за убиството на тројца членови на неговото семејство и за палење на нивниот дом во централна Јапонија.

Тој беше осуден на смрт во 1968 година, но не беше погубен поради долгите жалби и процесот на повторно судење во бавниот јапонски кривично-правосуден систем каде што обвинителите добиваат 99% од пресудите.

Тој помина 48 години зад решетки – повеќе од 45 со пресуда за смртна казна, со што тој е осуденик на смрт со најдолг стаж во светот, проценува Амнести интернешенел.

Беа потребни 27 години за највисокиот суд да ја одбие неговата прва жалба за повторно судење. Неговата втора жалба за повторно судење беше поднесена во 2008 година од неговата сестра.

Хакамада беше ослободен од затвор во 2014 година кога судот нареди повторно судење врз основа на докази кои сугерираат дека неговата осуда е заснована на измислени обвиненија од страна на истражителите, но тој не беше ослободен од пресудата.

Нему му беше дозволено да го чека повторното судење дома, бидејќи поради неговото изнемоштено здравје и возраста, ризик за бегство беше низок.

Потоа, во 2023 година, судот конечно пресуди во негова корист, отворајќи го патот за последното повторно судење кое започна во октомври.