Шпанскиот тенисер Рафаел Надал објави дека ќе ја заврши кариерата по финалето во Дејвис купот. Веста за пензионирање ја „закачи“ на Инстаграм и ја објави на неколку јазици.
„Реалноста е дека последните две години беа тешки и не можев да играм без ограничувања. Ова е тешка одлука која ми одзема време, но во животот се има почеток и крај. Мислам дека е вистинско време да заврши она што беше долга и успешна кариера отколку што можев да ја замислам“, напиша Надал.
Mil gracias a todos
Many thanks to all
Merci beaucoup à tous
Grazie mille à tutti
谢谢大家
شكرا لكم جميعا
תודה לכולכם
Obrigado a todos
Vielen Dank euch allen
Tack alla
Хвала свима
Gràcies a tots pic.twitter.com/7yPRs7QrOi— Rafa Nadal (@RafaelNadal) October 10, 2024
Шпанскиот тениски ас ќе се повлече по финалето на Дејвис купот од 19 до 24 ноември во Малага.
„Многу сум возбуден што мој последен турнир ќе биде Дејвис купот. Мислам дека завртев цел круг, бидејќи еден од првите успеси во кариерата ми беше настапот во финалето во Дејвис купот во Севилја во 2004 година“, наведе Надал.
Надал во кариерата освои 92 титули од кои 22 на гренд слем турнирите, а дури 14 пати го подигнуваше трофејот на Ролан Гарос. Освои златни медали на Олимписките игри и во поединечна конкуренција и во игра на двојки, како и пет „салатари“ (трофеи) во Дејвис купот.
