Реформа на администрацијата, една изборна единица со отворени листи, намалување на бројот на пратеници, кратење на непродуктивните јавни трошоци, а инвестирање во основните приоритети за едно општество – образование и здравство, се клучните проекти во изборната кампања на ГДУ.

Претседателот на партијата, Петар Колев, порачува: доколку нема правда и правичност, нема ниту ред и просперитет. Излегувањето на ДУИ со мотото прв премиер Албанец, според Колев, е модел на етничка конфронтација, поради која не верува дека ДУИ ќе добие поширока поддршка, а ГДУ вели, нема да учествува во влада со интегративците.