Кутија за собирање на предвремени гласови во американската сојузна држава Вашингтон во пресрет на пресрет на претседателските и конгресни избори во САД на 5 ноември изгоре денеска во пожар за кој се сомнева дека е подметнат и за кој ФБИ води истрага, соопшти локалната полиција.

Снимка на локалната ТВ куќа КАТУ покажува гласачка кутија во Ванкувер од која се шири чад, а се гледаат и повеќе гласачки ливчиња во пламен. Кутијата не била испразнета од неделата во 8 часот наутро, па стотина гласачки ливчиња се уништени, објави телевизијата, повикувајќи на локални официјални лица.

Полициската управа на Ванкувер соопшти дека отстранила „сомнителна направа“ која била крај кутијата која се наоѓала во третиот округ во сојузната држава Вашингтон, место на една од најнеизвесните трки за Застапничкиот дом на Конгресот во кое се натпреваруваат демократската кандидатка Мари Глусенкамп Перез и републиканскиот противкандидат Џо Кент.

Инцидентот е последен во низата на саботажи на гласачките кутии. Полицијата во Портланд, во државата Орегон, утрово примила дојава за сличен пожар што го предизвикала запалива направа во гласачка кутија. Маж, пак, беше уапсен во Феникс во четвртокот, откако беше запалено поштенско сандаче во кое изгореа 20 гласачки ливчиња.

The Clark County Elections ballot drop box at the Fisher’s Landing Transit Center was lit on fire this morning. Clark Co. Auditor Greg Kimsey says hundreds of ballots were inside at the time, the last pickup being 11AM Saturday. Full story here https://t.co/sYkz8ydEqH @KATUNews pic.twitter.com/a8vw0QXXoY

— Evan Bell (@evanbellKATU) October 28, 2024