Десетици припадници на АРМ, волонтери, граѓани, но и јавни личности претпладнево во амбасадата на САД во Скопје даруваа крв во рамки на традиционалната крводарителска акција, а можеа да донираат и во хуманитарната акција на Црвениот крст за помош на бездомници и граѓани кои се загрозени од студеното време.

И додека првиот човек на Црвениот Крст Саит Саити рече дека станува збор за традиционална акција во чест на жртвите на терористичкиот напад од 11-ти септември 2001-ва во Вашингтон и Њујорк, вицепремиерот Изет Меџити пак вели дека годинешната акција е во чест на американските воени ветерани и дека тој постојано учествувал во акциите за да се зацврстат врските со стратешкиот партнер-САД.

На акцијата присуствуваше и Реис-ул улема на ИВЗ, а високите гости ги пречекуваше и американската амбасадорка Анџела Агелер. Во реализацијата на акцијата учествуваше и Заводот за трансфузиологија.