Синоќа во киното „Синеплекс“ во Скопје се одржа премиерата на документарниот филм „3 титули“ посветен на најдобриот македонски автомобилист Игор Стефановски – Иџе.

Во документарниот филм Иџе раскажува за сите негови успеси, но и неуспеси. Патот до европскиот врв е трнлив и тежок за еден автомобилист од Македонија, но како што кажа Иџе овој филм треба да биде инспирација за секој млад спортист, никогаш да не се откажува од својот сон.

На премиерата присуствуваа огромен број на навивачи и соработници на Иџе, а за тоа сведочат и трите полни сали во киното „Синеплекс“.