Основното јавно обвинителство во Скопје поднесе обвинение против физичко и правно лице за узурпација на државно земјиште во Општина Чаир, кое било нелегално користено како див паркинг.

Земјиштето, наменето за изградба на катна гаража, било претворено во паркинг-простор од август 2023, каде што обвинетиот поставил рампа, пункт за наплата и ангажирал вработен за наплатa. Обвинителството предлага мерка на претпазливост за забрана на понатамошна злоупотреба на државното земјиште.

Ова е втор ваков случај за два дена за диви паркинзи во Чаир. Вчера исто така беше подигнато обвинение за див паркинг на парцелата кај Здравствениот дом Скопје – Поликлиника Битпазар, пренаменета во див паркинг простор. Осомничениот таму поставил рампа и наплатен пункт, а за услугата наплаќал по 50 денари за 90 минути, со што го ограничил и контролирал влезот и излезот од земјиштето.