Одлуката на Уставниот суд во Букурешт за поништување на резултатите од гласањето во првиот круг на претседателските избори во Романија наиде на различни реакции во земјата. Дел од Романците сметаат дека треба да се поништат сите избори во државата, дел, пак, се загрижени за иднината на земјата.

Одлуката на Уставниот суд е конечна. Следуваше по потегот на претседателот Клаус Јоханис да ги декласифицира разузнавачките информации дека Русија, наводно, организирала илјадници налози на социјалните мрежи Телеграм и ТикТок за промоција на кандидатот Калин Горгеску.