Денеска, во пресрет на седницата на Уставниот суд за иницијативите против Законот за употреба на јазиците, забележано е засилено присуство на безбедносни сили во центарот на Скопје. Во близина на Собранието, позади зградата, се паркирани оклопни возила „хермелини“.

Паралелно, зголемено присуство на полицијата е видливо и во околината на Уставниот суд, каде што ќе се одржи расправата. Оваа мерка се толкува како превентивна, имајќи предвид дека во пресрет на седницата опозициската партија ДУИ постави шатори во близина на судот, во знак на „одбрана на Законот“.

Ситуацијата е мирна, но тензичната атмосфера предизвикана од контроверзниот закон ги зголеми очекувањата од денешната седница на Уставниот суд.