Реал Мадрид потврди дека Килијан Мбапе има повреда на левиот бутен мускул на ногата и се очекува да паузира од 10 до 15 дена.

Французинот во вторникот постигна гол на гостувањето кај Аталанта во рамки на Лигата на шампиони, но мораше да го напушти натпреварот во 36-тата минута поради повредата.

Голгетерот ќе го пропушти финалето на Интерконтиненталниот Куп што се игра во среда на 18.декември во Катар. „Кралевите“ ќе се соочат со победникот од дуелот помеѓу Ал Ахли од Египет и мексиканскиот тим Пачука.