Македонскиот пливач Никола Ѓуретановиќ постави нов македонски рекорд на Светското првенство во мали базени во Будимпешта.

17-годишникот денеска во дисциплината 800 метри слободен стил исплива со време од 8 минути, 6 секунди и 79 стотинки подобрувајќи го стариот рекорд за три секунди.

Олимпиецот денешната трка во квалификациите ја заврши на 27-то место од вкупно 32 натпреварувачи. Пред два дена Ѓуретановиќ исплива и национален рекорд на 400 метри слободно.