Кривичниот суд им определи мерка притвор на сите опфатени со истрагата за бандата Барон/Беланоца кои беа уапсени во операцијата на јавното обвинителство и МВР во текот на вчерашниот и завчерашниот ден.
На 4-цата кои се спроведени во судот им е определена мерка притвор од 30 дена, мерка притвор по пронаоѓање е определена за 5-мина кои се во бегство, додека двајца во моментот на акцијата веќе биле во притвор.
Мерка на обезбедување е барана и за Фатљум Ајети Тоте, водач на бандата кој во моментот издржува затворска казна.
