Новиот менаџер на Манчестер јунајтед, Рубен Аморим во јануарскиот преоден рок сака да го доведе Виктор Озимен како прво засилување. Голгетерот моментално игра во Галатасарај како позајмен играч од Наполи.

Тој во договорот со италијанскиот клуб има откупна клаузула од 75 милиони евра, што Јунајтед е подготвен да ја плати. Нигериецот е одличен напаѓач за кој Аморим смета дека ќе биде идеален партнер на Расмус Хојлунд.

Џошуа Зиркце по само шест месеци на „Олд Трафорд“ би можел да си замине назад во Серија А. Наводно Јувентус е заинтересиран за Холанѓанецот, кој лани блескаше во Болоња, но во Манчестер јунајтед е само бледа сенка.