Во Белград денеска се очекува да биде соопштена пресудата против Владимир и Миљана Кецмановиќ, родителите на детето кое на 3 мај 2023 година изврши масакр во ОУ „Владислав Рибникар“, убивајќи девет ученици и чувар, и ранувајќи уште пет ученици и наставничка.

Обвинителството побара максимални затворски казни за нив – 14 години и 11 месеци за Владимир Кецмановиќ и 5 години и 5 месеци за Миљана Кецмановиќ.

За инструкторот Немања Маринковиќ предложена е казна од три години затвор. Судот ќе ја објави пресудата, а странките ќе имаат право на жалба.