Ноа Окафор го напушта Милан и сезоната ќе ја доигра во редовите на Лајпциг како позајмен играч. Швајцарскиот интернационалец немаше голема минутажа на „Сан Сиро“ поради големата конкуренција во нападот, а не му помогнаа и честите повреди.

Бундеслигашот ќе има опција целосно да го откупи договорот на Окафор следното лето за 25 милиони евра. За напаѓачот ова е враќање во фудбалската групација на Ред Бул, бидејќи претходно играше за Салцбург од каде и дојде во Милан во летото 2023 година за 15 милиони евра.